حبيبي كل مافيني
يذوب بملح همساتك
حبيبي كل أحاسيسي
يعشقونك يعشقونك
حبيبي طالبك تكفى
أبيك بكلك لذاتك
أبي أكون جنبك مثل ظلك
ولا أبي شي من دونك
أبسهر في وسط عينك
وابشرب كأس نظراتك
وإلى مني بغيت النوم أبي انااااام بعيونك
وأبي أصحى بكلمه صباح الخير بشفاتك
وأبي فنجال حبك
والغلا تمده جفونك
وأبي أهيم بك لامن
نثرت عطور كلماتك
وأعيش مقابلك دنيا
ينورها قمر "لونك"
أبي فنك وأبي سحرك
وأبي جذاب بسماتك
أبسأل : وش كثر حبي؟
وأبي منك اجاباتك
وأبيك تجاوب بضحكه
معاها هزة متونك
عشقت الدمع بأحزانك
عشقتك عند ضحكاتك
عشقت إللي يعرفونك
بروحاتك .. وجياتك
بجياتك .. وروحاتك
أخاف الناس ياعمري
يصيبونك يحسدونك
تعال وأطلب الغالي
تعال وهات رغباتك
فداك إللي تبي آمر
أنا صرت مجنوووووونك
واذا ودك ءأكدلك
تعال وشف مساحاتك
بوسط الخافق اللي لك
حلف لايمكن يخونك
لك الله صورتك بعيني
تذكرني بجلساتك
تذكرني وأقول :
شلون أعيش أوقاتي بدونك ؟!
تراني لاتباطيتك
أحن لصوت نبراتك
عسى الله لايخليني بعيد
وأعطش دوم لمزونك
وعساني ما أنحرم منك
لأن عيوني الثنتين
يحبوووونك .. يحبوووونك ..