السلام عليكم ورحمة الله وبركاته

عايز تخرج و مش عارف تروح فين ؟ عاجبك مكان و مش عارف اية نظامة و مش ضامن الكاشات هاتقضى ولا لا عايز تعرف المطاعم و الكافيهات اللى جنبك , و كمان المنيو بتاعتها و لو فيها منيمم ولا لا .


انا جايب لكوا برنامج جامد جدا جدا جدا هايخليك تعرف كل دة مرة واحدة و كانك دخلت هناك قبل كدة
انا مش هاتكلم كتير , نزل البرنامج و انت تعرف

ماتنسونيش فى الدعاء , و الردود مش هاقولكوا.

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

ملحوظة : علشان المرفقات مش بتقبل الملفات اللى امتدادها JAR انا ضغطة , فك الضغط مرة واحدة بس .و ابعتة على تليفونك.

مشكور اخى , اشتغل معايا و بجد ربنا يخليك و متحرمناش من برامجك الجامدة دة

و لكل اللى نزلة
بصوا يا شباب
1- البرنامج دة معمول للمطاعم و الكافيهات اللى فى مصر بس
2- بعد ما تنزلة فى استمارة ممكن تملاها و ممكن لا , اعتقد انها علشان الشركة اللى عملت البرنامج تقدر تتواصل مع العنلاء و الله اعلم .
3-و بعدين بيدخل على النت علشان يجيب البيانات الجديدة .
4- بتختار انت عايز اية , اذا كان مطعم او كافية ......
5- بعد ما تدخل على اختيارك (مطاعم مثلا ) هاتلاقى المناطق
6- تختار المنطقة اللى انت عايزها و تدخل عليها
7- بتلاقى مطاعم كتير تدخل على اى واحد تلاقى بياناتة زى العنوان التليفون ......
8- و بعد كدة ممكن تختار من انك تدخل على قائمة اسعارة

من الاخر البرنامج فعلا جاااااااااااامد

10000000000000 شكرا يا باشا

البرنامج ده جامد أنا مش عارفه أشكرك إزاي
أنا بخرج كل يوم أنا و أصحابي ودايما يحصل موقف بايخ علشان الحساب
وأنواع الطلبات المقدمه من المطعم أو الكافيه
و البرنامج ده حل لي المشكله دي لأن كل الأماكن اللى في مصر عليه
والمينيوهات بتاعتها كمان بأسعارها
يعني من إنهارده مافيش خوف من دخول أي مكان
لأن كل الأماكن اللى في مصر بقت على موبايلي .

من الواضح إن فيه ناس مش عارفه تتعامل مع البرنامج
أنا دلوقتي هشرح لكم الموضوع من الأول للآخر
1/ نزل البرنامج مضغوط من الكمبيوتر للموبايل .
2/ إفتح الملف ده وثبته أو سطبه على التليفون .
3/ هايطلب منك البرنامج شوية بيانات عنك زي
الأميل - ورقم التليفون - والعمر والنوع ذكر أو أنثي .
4/ هايحمل شويه وبعدين يفتح .
*/ ملحوظه :
لو دخلت لقيت قايمة المطاعم بس إضغط خيارات
وإختار منها تحديث الكل البرنامج هايعمل تحديث
بالبيانات كلها والتحديث ده بيكلف 00.25 أو 00.30 قرش بس
وإنت بتعمل تحديث كل فتره علشان تعرف إيه الجديد
من أماكن وأسعار ونشاطات وخدمات مفيده .
وماتنسونيش في دعاكم ........

للأسف الدليل ده لمصر بس في الوقت الحالي وإنتظروا المفاجأه في الدول التانيه

لكل اللى نزل البرنامج علشان لسا الموضوع في أوله كل يوم بتنزل حاجه جديده
والجديد اللي نزلته الشركه المصممه للبرنامج ده هو دليل السينيمات في مصر
في البرنامج مع عناوين ماكينات الصراف الآلى لمعظم البنوك في مصر في قطاع الخدملت الأخري ده طبعا مع زيادة المطاعم والكافيهات والصيدليات ومكاتب إيجار السيارات وأنا كل ما يكون فيه جديد هأقول لكم بس ماتنسونيش في الردود علشان أكمل معاكم .

كل الناس تقول مشكور مشكور مافيش حد جرب البرنامج وقال عمل معاه إيه فعال ولا لأ أو لو قابله مشكله فيه أقدر أحلها يلا إبعتوا لى الدود دي ممكن أقدر أفيدكم