تدري إن الكون كله مايساوي شي وانت غايب - جوالك :: نغمات :: ثيمات :: برامج :: بلوتوثات

Randy orton · 07-21-2008, 11:10 PM

إحساس ما حسيت فيه بحياتي
ولا طرالي مثل هذا على البال
كلمني أكثر عنك واترك سكاتي
بتأملك وأتخيلك أجمل آمال
أنت الهنا وأنت العنى وأمنياتي
ويازين هالصدفة على كل الأحوال
لقيت فيك أنت قربي لذاتي
تقرب لقلبي بالنوايا والأفعال
ماضيك يشبه بالألم ذكرياتي
والحين نفس الحظ والجرح والفال
طبايعك طبق الأصل من صفاتي
أهم شي الصدق فيني ولا يزال
أمشي ولا أدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال
أنا بقلبي شي وش السواتي
ودي أقوله بس شلون ينقال
الحب ما يستأذنك يا حياتي
يلحق على راعيه بالصبر لوطال

•°°•°°•

ماهقيت ان السعادة خيال في خيال
تروى قلوب الحبايب وقلبي ما روى
كنت ابشتال الهوى والهوى ثقل الجبال
وان تحملت الجبل ما تحملت الهوى
كنت ابسلى بالهوى والهوى صعب المنال
ما رضا لي حظي اللي طواني وانطوى
قلت لا فراحي تعالي ولا قالت تعال
والخفوق ان قلت ابقبل على صدي نوى
الله أكبر لا شرقت شمس يتلاها زوال
كيف ابفرح في صباح مع الليال استوى؟
لاحصل بالحب قسمة ولا جا لي مجال
غير اشوف معاند الجرح وعناد الدوى

•°°•°°•

آآآآآه منك ..!!
كل هذه الشوق فيني وما أنت داري ؟؟
أنك اللي من سكن بين الحناياااا ..
وأنك اللي لايزال يسوي بقلبي سوااااااايا ..
وأنك اللي أعشقه رغم الخطايااااااا ..
تدري ان الكون كله مايساوي شي وأنت غايب !!
و أن قلبي فيك ذايب !!
و أنك " أنـــــت "
أغلى من كل الحبايب !!
كل هذا وما أنت داري ..
بــس .. أحبك
إيـــــه .. أحبك
== والله أحــبك ==
يعني داري ولا مو داري بكيييييفك
بعيش بردك وصيفك !!
و أرمي قلبي فوق سيفك ..!!
و أنت كيييييييييفك ..
يادتبادلني الشعور ..
يا تخلينا بنفس الديره
نعقد ندووووووور ..
ولاحد يشكي جراحه ..
أو نحس بأي راحة ..
بس لو تبي الصراحه ..؟؟
ذابـــحك حــــــيل
>> الغرور <<
وأنت داري ..
أن ذلي وأنكساري ..
" في عــــــيونك "
وأن قلبي يرفض الدنيا بدونك ..
و آآآآآآآآآآه منك ..

•°°•°°•

يهتز قلبي يوم يطرونك
هزة محب له من الشوق فزه
هم يحسبوني ناسي يوم يطرونك
وانت بفكري كل حزه
بعيوني الثنتين وبالدمع شافوك
قالوا بعينك واضحه هالمعزه
وسموني باسمك وانت بالقلب سموك
واسمك بقلبي احترس لا تهزه

•°°•°°•

والله إني ما اتمنى في حياتي إلا .. شي ..
إني أملك كل هالدنيا بيدي
ما اسمعك في يوم تقول كان ودي
قبل لا تحلم أحقق !!
وقبل لا تحكي أقول !!
وقبل لا تشكي همومك .. أجيك كلي حلول
ليت كل هالكون بيدي
لأجل أحقق ما تبيه
أدري إن أمنياتي هي مجرد أمنيات..
لو إني أملكها حياتي كنت أبهديك الحياة
بس أشوف الابتسامة ما تفارق دنيتك
ياللي كل أيامي تضحك لما ألمح بسمتك

•°°•°°•

في منتهي الرقه وفي منتهي الذوق
...حبيبتي في كل حاجه عجيبه
اذا حطت تعرف تخليني أروق
...واذا بغت تجيب راسي تجيبه
ان جيت حطتني علي الراس من فوق
...ماحدن أسرني كثر خلي بطيبه
حتي وهي جنبي تحسسني أبشوق
...وشلون لامن شفتها بعد غيبه
واللي مزود حسنها حسن منطوق
...متواضعه لكن لها ألف هيبه
مخلوق لكن غير عن كل مخلوق
...مصيبة ياحلوها من مصيبه

nonna · 07-23-2008, 01:28 AM

شكرا
وتقبل تحياتي

Randy orton · 12-08-2008, 07:02 PM

شكررررررااا ناانا على المرور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قدها أو مو قدها	خواطر	الألعاب والترفية و الفرفشة	197	07-24-2008 10:38 PM
قصص واقعيـــــــــــــــــــــــــــة	sln2004	المنتدى العام	9	07-16-2008 06:53 AM
يمكنك الآن مشاهدة فلم ظاظا	Hope For Music	الأفلام	6	02-07-2008 05:11 PM
طريقة تعطير الجسم و احلى العطورات	صناعةالحياه	المرأه جمال ودلال	2	09-12-2007 09:27 AM
الطريق الى لقب افضل لاعب فى العالم (( الحلقة الأولى )) : تيرى هنرى قطار ارسنال وفرنسا	ميلانو السعودية	الرياضة مع جوالك	1	12-06-2004 09:22 PM