حلوه وفي عمر الزهور جتني وهي تبكي
وتستشيرني كصديق
وش هو الحب؟
جاوبتها,,,,,,,,,,,,,,,,,,,,,,,,,,,,,,,,,,,,,,,,,
ارجوك الا الــدمع.. لاتذرفـيـنــــه
...........................مابه احــــد يستاهلك.. لـيــــــه تبكين
اقوى الرجــال بأصبعـك تآمــرينه
...........................واللي يعشقـونك آلـــوف ومـــــلايين
ومن هو يكون اللي عشانه حـزينه
............................كفّي دمـــوعك من على الخد والعين
لاترخصين الدمـــــع لاترخصينه
............................ان كـــــان تبغين النصيحه وترضـــــين
ورجلٍ ذليـــــــل النفس لاتعشقينه
............................دامــه ذلـيـل الـنـفـس اصحي تعشقين
ومن قال احبك اصحي اتصدقينـه
............................حتى يقــــدّم تضحـيـــات وبـراهـيـن
الحب ماهو في يـــديك ويـــــدينه
............................الحب سـحــــرٍ ينخلـق بين قـلـبـيــن
وان كان صار الحب بينك وبينـه
............................الحب واضـــح مايبيله عنــــــــاوين
يجيك وان عيّت ظــــروفه تجينه
.............................وان جا على الموعد تجين وتحطّين
كـفّـــك على كفـــــّه وعينك بعينه
..............................ويـــذوب ساعتها وانتي تـــــذوبين
يسمع كلامك وان حكى تسمعينه
...............................وان غــــاب صوته ماقدرتي تنامين
تقضين ليلك جـــــــالسه تحترينه
...............................وان صــــد واقفى ماقدرتي تصدّين
هذا الغــــــرام ان كان ماتفهمينه
................................وان كــــان قصدك تسـلــيه لاتحبين
الحب ماهولــعـبـــــةٍ تلـعــبـيـنه
................................ســـاعه تشوفينه وســــــاعه تمـلـّين
الحب دربٍ لازم اتـكـمّـلـيـنــــه
.................................واخــــاف بكـــره تتعـبـين وتقـــولين
الله يلــعـــن هالـغـــــرام وسنينه
.................................وتنــدمـين انــك هــويتي.. وتـبـكـين!!