من الايميل ...


حنا السعوديين أكثر شعب في العالم يمتلك بترول

.. وحنا اللي تبرعنا لأغلب دول العالم

.. وحنا اللي إكتفينا من القمح وصدرناه للعالم

.. وحنا اللي أخذنا كأس أسيا ثلاث مرات . ووصلنا لكاس العالم ثلاث مرات

.. وحنا اللي فجرنا مركز التجارة والبنتاجون .

حنا السعوديين أول من طلع الفضاء من العرب

.. وحنا أكثر شعب في الشرق ا لأوسط عنده ستالايت

وحنا اللي نمتلك قناة mbc وقناة art

.... وحنا أكثر من يتصل على القنوات الفضائية ونلعب مع المذيعات الحلوات ونمزح
معاهم .

حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

حنا ! السعوديين مافي أطيب وأكرم مننا

.. حنا اللي نرمي نصف أكلنا في الزبالة من زود الكرم

.. وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة

وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .

حنا أكثر من يطارد بنات العالم في الخارج

.. وحنا أكثر ناس في العالم ننفق على السياحة

.. وحنا اللي تبكي وتتحسف علينا بانكوك وبتايا من بعدها عنا .

حنا أكثر شعب في العالم عنده عمالة أجنبية

.. وأكثر الأشياء اللي نستخدمها من صنع غيرنا

.. ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط

.. وحنا اللي مانشوف أحسن من قبايلنا

.. ونشوف الأجانب أقل مننا . إلا من رحم ربي .

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!

حنا اللي الحرمة عندنا ماتكشف حجابها لنا وتكشفه للأجنبي

.. وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغيرمغرية .

ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .

حنا أول من إبتكر مطاردة البنات في الشوارع بالسيارات. وإذا شفنا بنت راكبه السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ! ترمينا بحجر.

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .

رغم الحقيقة والألم ..

حنا السعوديين من أحسن المسلمين! والعرب..!!

ورغم كل الحاسدين.. حنا السعوديين مافي مثلنا .. ولنا الفخر ..؟؟!!

ملاحظة : كل المعلومات الواردة في المقال صحيحه وعلى حسب الإحصائيات .




مع تحيات ............ سعــــــــــــود

شكرا اخوي على الموضوع بس ماتشوف انه في مبالغه ....

مابقى للشعوب الاخرى شيء ....

مشكور على موضوعك سعود لكن في الأخير من أبناء بلاد الرحمين
تكفي هذه العبارة

مشكور اخوي سعود على المشاركه الحلو والمرة في نفس الوقت وياريت الشباب اليوم يقدر يغير من الامور الغير مرغوبه في طبايعنا ...

تحياتي للجميع

اخوي عواصف نجد : حياك الله
انا ما انظر الا الى شعوبنا وما لي شغل بالشعوب الثانية لاني واحد من هذا الشعب الكبير وكل كلمة تمسه فهي تمسني . ويا ريت تطلع لي عبارة وحد بس فيها شك والا غلط ........... اكيد مافي

اخوي SUPERMAN : وانت الصادق تكفي العبارات الاخيرة

الاخ hornet : اهلا وسهلا بك . واتمنى ان هالشيئ يحصل والله يوفق الجميع




مع تحيات .............. سعـــــــــــــود

ودي اعلق بس الموضوع للسعوديين !!

فليسمحلي سعود بالرد على رد ايز.....
خذ راحتك أخوي رد أيز فإحنا اخوان واشقاء ومافي اسرار بينا
قول اللي عند ولك الشكر الجزيل لدخولك النقاش

[MARQ=RIGHT]مشكوووور سعود على هذه المشاركة[/MARQ]