[C]

هذه قصيدة رائعة لكن لا أعرف من صاحبه ...


للهدم بيتٍ مجلسه دوب راعيه
*******اللي على طول الدهر ما يرادي
بيت البخيل اللي كبارٍ علابيه
*****اللي ما هو حاسب لدرب السوادي
اللي ماحصل نفعته لو بناخيه
****ماشي على درب الردى والفسادي
وللهدم بيتٍ صك من دون ناصيه
*******صكوه في وجه المسير عمادي
اليا سمع صوتٍ على الباب يدعيه
*******قالت ما هو بالبيت ياللي تنادي
وهو وراها مرخيٍ كل أذانيه
*********لما يروح الضيف كنه أجمادي
كله يخاف من المسير يقهويه
*********عن الجماله كن يحداه حادي
وللهدم بيتٍ مايعط الشحم فيه
**********ولا كرموبه متعبين الجيادي
بيت البخيل اللي يربي مواشيه
*******من الشحم ضانه لهن أجتلادي
وللعز بيتٍ دايم الناس تلفيه
*******ونجره على طول الليالي ينادي
بيت الكريم اللي على العز بانيه
*******اللي ماصر القرش والرزق بادي
يفرح إلا جاء الضيف باشر يحييه
**********ترحيبةٍ تغنيه عن كل زادي
وقدم له الفنجال قبله مسويه
*********يستنظر اللافين علمٍ وكادي
يالبيض درب الطيب هذي مماشيه
********أن كان تبغن الرجال الجيادي
شومن عن اللي خاطره ما يسليه
********لو كان ماله كثر حوم الجرادي
ترى عياله ما تعدى مماشيه
*******الساس واحد والهداد الهدادي
ياكود خالٍ يصلح الله بناخيه
*******وإلا فسد من أبن جار المهادي
والطيب ما كل العرب تشتقي فيه
*********ونو المطر ما عم كل البلادي
ولا كل من شال المهند يحنيه
*****ولا كل من طب المدارس أستاذي
ولا كل من فتح عيونه تقديه
*****أن كان قلبه منعمي ما استفادي
والناس كلٍ عقله اليوم مرضيه
******مرضيه عقله لوعن الدرب غادي




[/C]

شكراً عواصف نجد على هذه القصيدة الرائعة 0

عواصف نجد

قصيده قوووووووووووووويه

شكرا لك امتعتنا

والله صادق ..
صراحه قصيدة جميلة و تعبر عن الواقع وفيها حكم
يعطيك العاااااااافيه عواصف على هالاختيار الحلو