بيموت ويوصي اخوووه على حبيبته.... - جوالك :: نغمات :: ثيمات :: برامج :: بلوتوثات

الملياردير$$ · 09-30-2007, 02:02 AM

السلام عليكم ورحمة الله وبركاته
حبيت انقل لكم قصيده حلووه مره وحزينه في نفس الوقت اتمنى تعجبكم...

.................................................. ............................................

واحد اسمه خالد جاه مرض و قالوا له انه بيموت
كتب الشعر لأخوة يقول له فيه
ان يتزوج حبيبته و يبي من أخوة هذا انه يخليها تنساه

اقرأوا القصيده والله تستاهل ... وراح تعرفون معنى الحب والعشق

وصاتي لك من بعدي ........ تموت فيها علشاني
ابيها تعيش و تحيا بك ........ واظل بالذاكره مفقود
وصاتي لك تنسيها ........ ملامح وجهي و تنساني
وتعزفها قصيدة حب ........ على عكس اللي عزفته بعود
وصاتي لك تبعدها ........ عن اشعاري وقيفاني
تراها مغرمة بالحيل ........ ويشهد لي عدد الردود
وصاتي لك تسايرها ........ ترى فيها من احزاني
طلبتك لايضيق بالك ........ طلبتك والطلب مردود
وصاتي لك تناديها ........ حياتي..عمري..ازماني
انا عودتها دايم ........ ادلعها وانا موجود
وصاتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصاتي لك ترسمها ........ على قبري وأكفاني
ابيها لوحة تبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمود
وصاتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني
وربي فارسة من قلب ........ شهادة ماهي لشهود
وصاتي لك تسفرها ........ بلاد الشام و لبناني
ترى يحلالها تقطف ورده ........ وردة من بلد الورود
وصاتي لك تراقصها ........ على الحان رحباني
ترى فيها عرق خالة ........ وفيها من جنون السود
وصاتي لك تحببها ........ فأبونورة بعد هاني
وتنسيها ندم غلطة ........ انا فيها ترى المقصود
وصاتي لك تكرهها ........ في تاريخي و عنواني
أبيها تلعن اللحظة ........ وتلعن كل فرح موعود
وصاتي لك تكلمها ........ عن المجني وعن الجاني
وتخليني انا الظالم ........ وانا من حرق الاخدود
وصاتي لك تشبهني ........ بدم أحمر قاني
وانا هالقاتل السفاح ........ مجرم من عصر نمرود
وصاتي لك تحلفها ........ تتوب تحبني ثاني
ترى يكفيها ماعانت ........ ويكفي حيلها مهدود
وصاتي لك تنسيها ........ وصية قالها لساني
أنا اخبرك رجل موقف ........ وانت قدها وقدود
صديقي مالقيت غيرك ........ يعرف وشلون تنساني
أمانه ضمها بقلبك ........ ترى خالد....رحل مايعود

الملياردير$$

محمد,, · 09-30-2007, 07:01 AM

الصراحه قصيدهـ مؤثرهـ
ومشكووووور اخوي

الملياردير$$ · 10-01-2007, 07:36 AM

العفوووووو..

ومشكور على مرورك يعطيك العافيه

عاشق النصر · 10-02-2007, 03:42 AM

يعطيك العافيه والله مؤثره مره صدق من قال ومن الحب ماقتل

الملياردير$$ · 10-03-2007, 07:39 AM

الله يعافيك يالغالي

تحياتي لك.... يا عاشق

حكم الحكيم · 10-22-2007, 10:29 AM

قصيدة شاعر يعطيك العافية وتقبل مرووووري

ساراي · 03-07-2008, 12:47 PM

ما شاء الله قصيدة بجد مؤثرة
يعطيك العافية

nonna · 03-10-2008, 02:52 AM

شكرا علي كلامك الجميل
وصية صعبة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري