سبت..أحد..أثنين....طيب وبعدين؟؟!!
بلخيراااااااااااات عليكم جميعاً

موضووووووع رهيب

ياليت يعجبكم

وان شاء الله انه بيعجيكم



ايام الأسبوع 7 لا تنقص ولا تزيد وانا ادري اني ما جبت معلومة جديدة بس انه كل واحد لة نظرة معينة في ايام الأسبوع فالبعض يحب يوم الأربعاء والأخر يموت في دباديب الأحد والبعض ما يسمع في الخميس وهلم قرا وقرا هلم
لكن انا لي نظرة مختلفه لأيام الأسبوع وهي كا التالي
(اتفق معه في بعضهم)

الجمعة:-

يذكرني في جدتي الكبيرة في السن ولها احترام خاص وعادات معينة تجمعنا حواليها وتذكرنا بأخطائنا طول ايام الأسبوع ونعاهدها اننا ما نتعودها ومن يوم تروح يا سرعان ما ننساها

السبت:-

أحس انه رجل في أواخر الأربعين رسمي ما يضحك غثيث طويل القامة عريض المنكبين ما يحب يضحك ولا يمزح جاد مكشر اغلب الوقت ما تصدق انه يروح ويضف وجهة


الأحد :-

شاب يحب اللبس الأسبور ( بنطلون جينز وتي شيرت ) وطاق النظارة الشمسية حتى في الليل مغرور شوي ما يعجبة العجب ولا الصيام في رجب ايش ما تسوي له ما يعجبه ما قلتلكم مغرور


الأثنين :-

شاب دبدوب ( متين ) 24 ساعة يضحك يا كبر قلبه تقول قلب بعير ما يهتم بمنظرة يعني التشخيصة اي كلام لا وكسول ما يحب العمل كل شوي يناظر ساعتة يبي يروح مستعجل ما ادري على ايش (الله يهنيه بسمنته يحسدون الاعمى على كبر عيونه)



الثلاثاء:-

شاب مراهق يتتن ( يشرب دخان ) معاه سيارة اسبور و طول اليوم دوران في ها الأسواق مرة رامي رقم جوالة مرة رامي رقم لوحة سيارتة ومع هذا كله ما حد معطيه وجه تحس انه بزر بعد ماعندة خبرة (الله من التفاهه)


الأربعاء:-

هذا تحس انه ولد نعمه الثياب الكشخة والفياقرا اللون البحري شنب وشماغ بصمة سبع طعش ورايح فيها مجمع ها الشلة ويطامر من شارع العليا في العصر لشارع التخصصي في الليل ويحب السهر على انوار الشموع رومنسي الولد(ايه هين كثر منها)


الخميس :-

ولد حموله وكريم يحب يجمع كل الحبايب حواليه ويحب الأطفال والأعراس له فيها نصيب والبران والكشتات له فيها نصيب دمه خفيف وزنه اخف يا سرع ما يمضي معه الوقت ومانحس فيه(هذي وربي صدق اسئلوني كخخخخخخخ)






هاه شراااااااااااااايكم مو موضوع فله وررررهيب

اتمنى ذلك<<<<<خخخخخ خاش عرض هذه





ياالله سلا1111111م عليكم

هلا والله اخوي مناجي الروح ،،

دائما مواضيعك حلوووووووووووووه ،،

بالنسبه لايام الاسبوع تختلف معاااااي ،،، فمثلا ايام الاسبوع بالصيف تختلف عن ايام الاسبوع في الشتاء ،،

ايام الاسبوع في الصيف اتخيلها وكأنها شخص بدين لايستطيع الحراك

اما ايام الاسبوع في الشتاء اتخيلها كانها فتاه في ريعان شبابها رشيقة الجسم وتسير بسره ورشاقه


اخوك / الفندق[/color]

اسمع إسبوع لطلو
وتعرف رايي ( كل عمري اسبوع )
اللي ابي اعرف وش دخل ( طيب وبعدين ) والا علشان الوزن <<<== مانتب عاقل يا دايم السيف

أهلا يا مناجي الروح..... حلوه هذه النضره على ايام الاسبوع....... بس يوم الخميس غيـــــــر كل الايام

ما أدري ليش .......... الله يعطيك العافيه على هذه المشاركه الخفيفه الضل.........في انتضار روائعك

لك تحياتي