***********

ياعمري الدنيا ماتسوى تنام وخاطرك زعلان..

ولا فيه شي يستاهل يخلي قلبك يعاني..

طلبتك كان لي خاطر تبعد عنك الأحزان..

فديت عيونك الحلوه تبسم ولو علشاني..

حبيبي صار لي مده أشوفك تايه وحيران..

وانا والله لاشفتك حزين تزود أحزاني..

أنا أحبك ولا ودي تعيش بدنيتك ندمان..

ترى الأيام محسوبه وتالي هالعمر فاني..

تصدق بسمتك والله تفرّح خاطري الولهان..

يطير من الفرح قلبي وأصير بعالم ثاني..

والى من شفتك بضيقه أحس إني أنا الغلطان..!

أعاتب نفسي بنفسي ولو ماكنت أنا الجاني..

غلاك بداخل عروقي ولايوصل غلاك إنسان..

وأنادي جروحك لقلبي تجي واحد ورى الثاني..

أضحي بعمري لعيونك..تنام أنت وأنا ســهــران..

**********
أتمنى تعجبكم هالقصيده..
تحيــاتي للجميع..أختكم..(( ريــــمـــــاس ))..

ريماس

تسلمي على هذه المشاركة والقصيدة جميلة ولا تحرمينا من المزيد والجديد

مشكوووور 00النديم00 على ردك..ومادام فيه هالتشجيـع..راح تشوف المزيد والأحلى إنشاءالله..تسلم تحياتي لـــك..

Thanx

Welcome

شكرآ على مرورك..

حلو ريمااس

مشكوووور أنت الأحلى..
تحياتي لك..

(ياعمري الدنيا ماتسوى تنام وخاطرك زعلان)
((ولا فيه شي يستاهــل يخلي قلبـــك يعانــــي))
كلمات معبره ماشا الله تقبلــــوا تحيــــاااااتـــي