السلاااااااااااااااااااااااام عليكم

المرة هذي ما فيه مقدمات ولا شيء على طول بخش الموضوع

احم احم ( علشان اذا فيه حريم في الموضوع يتغطون )

ودار الحوار التالي

الموضوع : وش تبي تخش فيني الا خ جني والا شايفني بيت

ابو عيد : لا مو قصدي ياخي لا فهم خطأ

الموضوع : اقووووول افهم قصدك والا ما افهم قصدك ترى انت معروف لعاب درجة اولى

ابو عيد : طيب ممكن تسمح ادردش معك شوي

الموضوع : بس بشرط

ابو عيد : (مسوي فيها لغة عربية) وماهو ذلك الشرط؟

الموضوع :تسمع الكلام اللي بقوله والا اقلب وجهك

ابو عيد : موافق موافق ( الغبي ما درى ان وجهي مقلوب خلقه من كثر ما اسمع كلمة اقلب وجهك)

الموضوع : شف يا اخ ابو عيد لو فيه شركة والا دائرة حكومية تعطي راتب سنتين للمواظفين فيها اذا داوموا يوم واحد من ايام الاجازة شو رايك الموظفين يدامون هذا اليوم والا لا
ابو عيد : الا مية بالمية ولو تبيني احلف ما يغيب احد حلفت حتى لو مات ابوه والا امه
الموضوع : يا اخ ابو عيد الناس اللي فيهم همه وعزم راحوا
ما بقى الا انت واشكالك اهل الكلام
ابو عيد : افا ليه الغلط ( ابو عيد يقول في نفسه وش دراه اني بياع كلام فقط ) طيب ما قلتي وش هذا اليوم وش الشركة الي تعطي ها المكافأة تكفى ترى ام عيد متسلف منها 30 الف وناشبه في حلقي

[gl]الموضوع : هذا صيام يوم عرفة يالدلخ يكفر ذنوب سنتين الماضية والقادمة [/gl]

ابو عيد : سنتين يكفرها صيام يوم واحد ياسلاااااام

الموضوع : خلاص عطني مقفاك لا اعطيك الجزمة في علباك(1)

انتهى الحوار
لا يفوتنا هذا اليوم يا احبابي كل واحد يضبط اموره على صيام هذا اليوم لا يقوم ويقول ما تسحرت والا جوعان والا عندي شغل والا اي عذر تافه برمج نفسك انك يوم عرفة ما عندك شيء الاالصيام
بعدين اغلبنا ما يقوم الالظهر والبعض بعد الظهر ينام يعني كل الصيام ما راح يكون اكثر من ساعتين صح اجره مو زي اجر اللي قام من الصباح وقعد يذكر الله بس شيء احسن من لا شيء واهم شيء الصوم

(1) علباك في قاموس المحيط في فن الخرابيط تعني رقبتك من الخلف

السلام عليكم ورحمة الله وبركاته ..

اقول ابو عيد .. عليك طلعات حلوة .. واسلوب رائع ..

اقول وش رايك تصير خويي .

..




رائع والله وادامنا الله على فعل الخير ..

مشكور أبو عيد على هالموضوع
ويا شباب لا يفوتكم يوم عرفه ترى ما يجي الا في السنه مره وحده <<<== احلف

شكرا ابن الاسلام وزورو

ابن الاسلام وش رايك تخوي علي ترى ابو عيد من كبار الشخصيات

مستشار لايشير ولا يستشار

زورو صراحة ودي اسجل لك عن محبتي لشخصكم المتواضع

وهذي بووووسه على راسك بس انتبه لا لا ينجرح (ترى سنون ابو عيد طالعه شوي قدام )
تعرفون لو ان الناس قال لهم طبيب امتنعوا عن الطعام والشراب يوم علشان تصير اجسامكم رشيقه كان شفت اللي امتنع وش كثرهم

ناس بافكار معكوسه ومنكوسه عايشه حياة محيوسه في الدنيا مثل السوسه وعن الخير محبوسه
بس هاليوم عندهم يصير كنه سنة وصيامه صعب فعلا ناس محرومه
الله لا يحرمنا ولا يحرم اعضاء منتدنا من صيامه


***************************************
الله اكبر الله اكبر لا اله الا الله الله اكبر الله اكبر ولله الحمد

الله يعطيك العافيه يا ابو عيد اسلوب حلو تشكر عليه ... والله يتقبل منا ومنكم صالح الاعمال.....