من صغر سنّي وأنا أنظر للغلا نظرة رفيعه .. وأعرف إن العِشرة أسمى من غلاك و من حناني



يوم شفتك من ضياع وشفتني مثل الوديعـه .. إنت اللي ضعت فيني وإنت بس اللي لقـــــاني



والله إن الضيعه اللي جابتك ماهيب ضيعه .. ضيعة العاشق شيّ وضيعتي بك شيّ ثــــــاني



ياغرام ما إستطيع أنساه لو قلت استطيـعه .. يا كــلامٍ من عرفتـــه ماذرفتـــه من لســـــاني



إشتر اللي تشتري فيني وبيع اللي تبيــعه .. ما التفت لوجه غيــرك باعنــي وإلا شـــراني



خل طعناتك قوية وخل نظراتك سريـعه .. يعني اضرب إهرب إهرب اضرب في ثــواني



ما أنت بأول من شرب صيفي وعطّشني ربيعه ..ولا أنت بآخر من خذاني من يدي ولا خذاني



إنت ما وسّعت صدري لين ضيّقت الوسيعه .. كنك تحط بالجروح واحدٍ وســـط الثــــاني



كل ساعه لك بصدري رمح أقسى من تبيعه .. وكل جرحٍ له بوجهي حزن غير الأولانــي



وكل ليلٍ يهون لكن ليلة البارح فضيــــعه .. يعلم الله كانت أول ليـــله تـزلـزل كيــــاني



كن رمحك ما يبات الا ورا الحدب المنيعه .. وكن جرحي مايعرف ينام ورماحـك تعــاني



ولّ يا كايد الظبا ما شفت من يصنع صنيعه .. لو زرعته في حشاك سنين يمحيك ثواني



في زمنّا قالوا ان ماطاوعك هالوقت والا طيعه ..وإنت مثل هالوقت قاسي طاعني ولا عصاني



بس أبيك ليا عسفت البُعد وأسرجت القطيـعه .. إلتفت مرة عليّ وحــط نفسك مكـــــاني



إنت لو إني خدعتك راح ترضى بالخديـــعه .. بعتني مليــون مره حبني مره عشــــاني



خايف تحمّل خفوقي فوق ما لا يستطيــعه .. ويبـتـليك الله بغيري مثل مافيك ابتـــلاني



خلني مثل الضياع وشلني مثل الوديــــعه .. إنت من ضيعتني ما في أحد غيرك لقـــاني



وأشهد إن الضيعه اللي جابتك ماهيب ضيعه ..ضيعة العشاق شيّ وضيعتي بك شيَ ثاني



الشاعر المبدع : فزّاع


اتمنى تناااال اعجاب الجميع

كمان حلوه ( واحد ماله نفس يعلق )

ليييييييييه وش اللي مزعلك ياهوووووووو

بس حلووو مرورك لو ان مالك نفس


سلااااااااااااامم

غالي الاثمان ياليت تسمع قصيده ( ياصغير لطلال الرشيد ) موجوده في توقيعي

اهديها للاداره الكريمه

إنت لو إني خدعتك راح ترضى بالخديـــعه .. بعتني مليــون مره حبني مره عشــــاني



خايف تحمّل خفوقي فوق ما لا يستطيــعه .. ويبـتـليك الله بغيري مثل مافيك ابتـــلاني


قصيدة روعه روعه روعه


يعطيك العافيه ياصاحب الذوق الرفيع

تسلم والله اخوووي فراااس شاكر لك التواصل الجميل منك

تمنياتي لك بالتوفيق

صح لسان قايلها....وتسلم يمين كاتبها...

والله حاولت أقتبس بيت عجبني...لكن احترت كلها رااااائعه...

غالي الأثمان ماجبت شيٍ جديد..دايم إبداع في إبداع..

الله لايحرمنا تواصلك في منتدى الشعر..

لك كل الود والإحترام..

تسلمين اختي ريماااس على التواصل

مع اطيب تحية