أخواني إن كانت هذه المشاركة متكررة في هذا القسم فارجو منكم حذفها ....

جيتكم اليوم ومعايا كلمات الله يستر
فقد رسمتَِ اجمل المشاعر للأم

وحزن ابنتها على بعدها..

على رمال الشاطي

وعلى صخوره ..

فقد صرخت بكل مااوتيت من قوه

لكي يتردد صوتها وتحمله الأمواج

الي امها ..........

أترككم مع هذه الكلمات (( منقولة ))
----------------------------------


كنت جالسه بينهم

واسمع ضحكاتهم ومزحات لهم

وكل وحده منهم تنادي يمه باعلي صوت
تنــــــاديها

وسرحت واخذتني الكلمه وشوقي لها
واحساسي في معانيها

وتنهدت تنهيده مره
تاخذ الروح وتنهيها

وسالوني وشفيك تجمعين نفسك ساعات وتشتتيها ؟؟

كأن بخاطرك اماني ودك تقوليها

وشتبين اكثر من دنياك ؟؟
وعندك من خيرها ومافيها

ضحكت وبخاطري عبره مكتومه في محانيها

وقلت تدرون شتمني ؟؟؟
واعطيكم دنياي والخير اللي فيها !!!

وافتح لكم دفتر الشيكات وحطو من ارقام واصرفها لكم
من بنوك المال ماليها

آآآه غصت بحلقي قبل لا انطقها

وذرفت عيني دمع كان ماليها

وتدرون وش ابي ؟؟؟

ابـــي ام !!
ابي ام اصرخ اناديها

ابي ام تحظني وتحطني بين اياديها

ولا استضقت توقف الدنيا
وتهون علي مصيبتي وتجمع الفرح لي

وعلي نفسها تبديها

ابي يومني كبرت وصرت بطولها
قالو لها بنتك كبرت

والحمد لله اللي ربك بلغك فيها
وان شالله لمعرسها تزفيها

وابي يوم جبت شهادتي
خذتها وارقصت لافراحي وقامت تغنيها

بس ويني وين هذي الاماني

كلها صاره امنيه بفعل ماضيها

انا ادري انها بجنه الخلد
وعند ربها خالقها يباريها

وانا ادري انها ماعادت معاي

وتركت لي اوجاع مسلسه مقدر احصيها

وحيده ولا حولي احد

والدور خاليه تصفر علي مبانيها

وكل زاويه تحكيلي روايه وقصه كانت لي تحكيها

تبدلون وازيدكم

تاخذون دنياي بثرواتها ومالها وناسها واهاليها

بس عطوني ام

صدقوني والله ثم والله

اشتقت انــــاديها

يمه يمــــــــــــاااا

اصرخ بعالي صوتي
يمــــــــــــاااا

ابي انــــــاديها

ويرجع علي الصدي ولا القي من يوحيها

استغفر الله مدري من اعاتب

استغفر الله العظيم

ليه ياربي ماخذتني معها

ولا كان لي مخليها [/b][/align]

كلمات تئن من الحزن...ومغلفه بإحساس عميق وحزين

كلمات تدور حول الأم الحنونه وفقدانها...وإطلاق جيش من التنهيدات
بعدها....


النديم.....مشاركه أكثر من راااائعه بحق وليست مكرره...
كما عودتنا دومآ لاتقدم إلا كل ماهو رائع وجديد...

لك من التحـــايا أغلاها.....

النديم وجودك في منتدانا أحلي قصيدة

أختنا العزيزة ( ريماس )
أخي العزيز ( nga4ever )



تسلمو على تواصلك الرائع

وجودك مميز واسعدني كثيرا

لكما جل احترامي وتقدير على المرور

إحساس عميق ورائع


تسلم النديم


وبارك الله فيك على القصيدة الرائعه

لله يخليلي أمي وابويا ويخليني لهم

ما أتخيل إنهم يبعدو عني

تسلم على القصيده النديم