افتقدنا الصدق في هذا الزمان=مابقى للحب معنى للأسف

الوفي عقب الوفا جافا وخان=والردي أخطا وكابر مااعترف

الجمال اللي ظمى يرجي حنان=ارتوى وراح وتغيّر وانحرف!

مايبي لي يوم ابحكي ترجمان=اكتشف إني متوهم بالصدف!

الكذب والغش والتقصير بان=بين زيف العاطفه وحب الترف

كان ياما كان ياما كان كان=الغرام اللي عرفناه اختلف

ومن يبي له حب لازم له ضمان=يفرق المعدن عن أشكال الخزف

من يصدّق ان صلب العود لان=لان..لكن جفنه ابدآ ماذرف

التباهي صار واضح للعيان=وكل شخص يتباهى كم عرف

آه ياقلبٍ من الأحزان هان=والعذاب اللي يشوفه ماانوصف

شال ياما شال من طعن السنان=وكم على لحنٍ من الفرقا عزف!

ليتنا نرجع إلى هــاك الزمان=نعشق من القلب ونحب ونعف