انصحك بان تستمتعي بليلة الدخله اضحكي استانسي عيشي يومك لا تفوتين لحظه حلوه مو تجلسين تبكين وتضيقين صدرك وصدر زوجك وتخلينها ليله تعيسه

طبعا الحياء مطلوب لا تكونين جريئه كثير ولا تكونين حياويه كثير خير الامور الوسط

وفيه شي مهم جدا لازم تسوينه في يوم زواجك وهو انك ما تنسين الاذكار اذكار الصباح والمساء عشان ترتاحين وتطمئنين ويحفظك ربي من العين باذن الله ...

ثانيا لما يدخل عليك زوجك قومي من الكرسي وصافحيه اذا هو بغى يقبلك خليه واذا هو ما قرب لمك عشان يقبلك خلاص تكفي مصافحه فقط

بعدين ادعي في نفسك بان الله يوفقك ويعطيك من خير هذا الزوج ويكفيك شره ...هو اصلا فيه حديث عن الرسول صلى

الله عليه وسلم يقول (اذا تزوج احدكم امراه فليأخذ بناصيتها (اي بمقدم راسها)وسم الله عز وجل وليدع بالبركه وليقل

اللهم إني اسالك من خيرها وخير ما جبلتها عليه واعوذ بك من شرها وشر ما جبلتها عليه )...

يعني المفروض زوجك يطبق الحديث هذا لاكن كثير يجهلون هالشي فما فيه مانع انك انتي اللي تقولين الدعاء هذا لو في نفسك
كذالك من السنه انكم اذا رجعتوا للبيت تصلون ركعتين معا عشان ربي يوفقكم ويجمع بينكم على خير

طبعا اجلسي شوي بفستان الزواج عشان يشوفك زين ويشوف كشختك ومن ثم غيري بقميص نوم شبه ساتر المهم

يكون طويل وقطعتين حتى لو كان خفيف مو مشكله

بعدين قولي له خلينا نصلي ركعتين وادعوا قبل السلام لانفسكم بالبركه والتوفيق

بعد كذا خلوها سواليف لين الصبح واذا صار شي لا تخافين

والله يوفقك واذا فيه نقطه تبين تعرفينها وما ذكرتها تفضلي يا قلبي