قصيدة مؤثره جاتني على الايميل واحببتم ان انشرها في المنتدى لانها من جد قصيدة حزينة

*يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال والبيت أعلاه يبكي حتى القلب القاسي

اترككم مع القصيده
وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون فعونها آميــــــــــــــــن

يعطيك العافيه والله يهدي حمدان ويروح لم امه في المصحه انا ابي اعرف وش فيهم الشباب ينطلون امهم وابوهم في دار العجزه يعني هذا هو جزاهم ولا كل هذا خوف من زوجته الزوجه الي ما تبي امي وابوي ما تستحق انها تصير زوجه هذا الي انا اشوووفه ومشكور على القصيده والله يعطيك العافيه وماقصرتي وياليت كل واحد عاق باهله ان الله يهديه ويرجع للطريق الصحيح

يسلمووووووووووووووو على مرورك عبودي

لا حول ولا قوة إلا بالله


حسبي الله ونعم الوكيل


مشكورة أختي دمعة ألم

مشكووووووووووووووووووووووور على مرورك اخوي كاسر الليالي

شكرا لك مؤثرة جدا القصيدة

يسلموووووووووووووووووووووو اخوي القيصر على مرورك

الف شكرعلى القصيدة الجميلة والمؤثرة؟؟؟؟؟؟؟