قال مازالي طفران..اشتغل عراف..



هذا واحد فقير ماعنده شي لامال ولابيت ولاشي..
طبعا هذي القصه بزمان فات..المهم فكر وش اسوي
وش الحيله ببتل داج هاج الى متى..خطرت عليه فكرة انه يدعي
انه عراف..جزم الرجال وسئل عن ديرة مابها عراف
دلوه على ذيك المدينه وقالوله هناك ماعندهم..ركب الحمار
الرجال وشغل للمدينه..وصل وعلى طول دايركت للمسجد
لأجل ينام هناك..مع الوقت عرفوه الناس هناك اللي يصلون
وسألوه وش انت من رجال ومن اي الديار قال:انا عراف واتنقل
مالي مكان..المهم بعدفتره انسرق كنز امير المدينه..دورو من سرقه
ماحصلو..وش الحيله ياولد وش السواة..قالو نعلم الأمير ان فيه عراف بذاك المكان..
علمو الامير وقال هاتوه لي جروه بسرعه..جاء خوينا عند الأمير(متوهق طبعا)وش السالفه
قاله الأمير انت عراف قال ايه قال اجل عندك ثلاث ايام فرصه تجيب الكنز ولا
رأسك بداله..خوينا اختبص وظاعت علومه ولعن اليوم الي قال بصير فيه عراف..المهم قال العراف بنفسه اروح اصلي وادعي احسن لي وانتظر موتي..
الي سرقو الكنز عددهم ثلاثه..جاهم خبر عن العراف
وارسلو واحدمنهم يراقبه يشوف وش عنده..جاء يراقبه على وقت الغروب
والأولين عندهم لاغابت الشمس يقضي اليوم الاول و يدخل اليوم الثاني..المهم جاء يراقبه على
وقت الغروب..قام العراف وكتب على الجدار واحد(يقصد اليوم الاول من المهله)
خوينا انهبل ورجع لاخوياه طاير يقولهم عرفن..قالو وشلون قالهم السالفه..ماصدقوه قال الثاني انا بروح..راح من بكرا..
ونفس الوقت والعراف نفس الشي قام وكتب على الجداروهو يقول هذا الثاني..
رجع ملوي لربعه قالهم رحنا فيها اي والله عرفنا..الثالث ماتاكد وبنفس الطريق
من بكرا والوقت ومامدى العراف يقوم يكتب الثالث الا والكنز عنده ويقولون له
خذه بس فكنا تكفى..اخذله العراف(كم نسبه عند الأمير)وصارت له مكانه حتى
ان كثير غارو منه..مامدى خوينا العراف يتهنى فتره..ضاع مفتاح الكنز..
قال الأمير وينه..جاء خوينا وش السالفه قالوله..وشلون ضاع من ضيعه
قالو بنت الأمير..قال لازم اقابله..قال الأمير بخليك بس ان شفت بنتي ولا عرفت
وين المفتاح بذبحك..قابله وشاف هالزين والجمال والشعر..قال العراف يبي
يقصدفيها(شاعر) والشعر..ماكمل كلمته الا قالت تذكرت..حطيت المفتاح بعد مازينت
شعري بالمشط ولفيت عليه الشعر..اخذله(عشر نسب على مستوى سابك طبعا)
عند الأمير وصار قريب منه وينام بقصره..الناس الي قريبين للامير غارو منه..وكل شوي
يقوولون للامير هذا دجال..هذا نصاب..المهم مع الوقت قال الأمير وشلون اصدقكم انه
نصاب..قالو نبي نمتحنه وان نجح فانه صادق..وان رسب راسه..(انا لله يهالراس)
جره الامير ويقوله لاتفشلن اليوم يومك.. وش الاختبار؟؟الاختبار جايبين له ثلاث علب مسكرات
صح ..وحده به سكر والثانيه عسل والثالثه (الله يكرمكم) زق..اجتمعت الناس
والعالم وقالوله يله علمنا وش الي فيهن..خوينا توهق قال بنفسه خلني اتذكراحسن ايامي بحياتي قبل لأموت وجلس يتذكر.. وش صار له بالمدينه من يوم جاء لها وهويقول:
الاوله(يقصد يوم يحصل الكنز)سكر بسكر..
والثانيه(يقصد شوفة بنت الامير) عسل بعسل
اما الثالثه(يقصد وضعه حاليا)زق بزق..ماكمل هالكلمه الا ويسمع التصفيق والامير يخمه(جايب هدف)...
واعترفو ان الرجال صادق..اسف للاطاله واتمنى تعجبكم..

شكرا لك فيصل على الموضوووووووووووووووع الجميل

يسلموووووووووووووو أخوي بيوتفل سووول على مرروررك