أحبتي منسوبي منتديات جوالك

السلام عليكم ورحمة الله وبركاته

حتى لا يغرق العام في مواضيع تدور كلها حول مسلسل طاش ما طاش المثير للجدل كل عام !

ورغبة منا في تنظيم المنتدى حتى يكون مناسباً للجميع

كان هذا الموضوع لكل ما يخص ذلك

وسيتم دمج أي موضوع في الإطار أعلاه هنا

نرجو التعاون

ودمتم بخير

أرد على موضعي

بخصوص (هيئة الأمر بالمعروف والنهي عن المنكر)(وطاش ماطاش)



السلام عليكم...

صراحة في خاطري كلام ودي أقوله ووجه نظر ممكن تخطي ...

اولا بالنسبة لموضوع هيئة الأمر بالمعروف والنهي عن المنكر...

صراحة في بعضهم عنده قسوة وشدة وماعنده أسلوب بالكلام والتوجيه لاحظوا أنا قلت بعضهم وبسبب هالكمن شخص تقوم حرب على الهيئة والكل يطالب بإلغائها ولكن...

بصراحة الملاحظ إن الهيئة يقومون بعمل كبير بس محد يمدحه أو يظهره أنا صراحة من الناس إلي يرتاح بوجود الهيئة في السوق أنزل أهلي وأنا مرتاح وغير هذا أكثر أوكار المخدرات والخمور والسحر والدعارة الي بالسعودية الهيئة هي إلي ألقت القبض عليهم وعرقلت عمليات كثيرة وكبيرة.
بعضهم عليه أخطاء لكن التعميم مصيبة وأنا شخص ماني ملتزم ولامطوع لكن أجلس مع بعض من يعمل فأنا من الناس إلي أتمنى أنها تدعم لكن فوق هذا تكون دورات نفسية وحضارية لموظفيها ولاتنسون إن الشرطة يمكن ان يدخل الفساد فيها بالراحة ويسكتون عن أشياء كثيرة لكن الهيئة الفساد فيها ظليل.

بالنسبة لطاش ماطاش...
طاش ماطاش السنة الماضية والي قبل كانوا ينتقدون التشدد باسلوب رائع لأنهم كانوا في الحلقة الوحدة يحطون المطاوعة المتشددين والمطاوعة المعتدليين مثل حلقة المدرسة كان الي يحاول يعدل فكر الطلاب مطوع فكان يجيب في الحلقة الوحدة الفئتين المتشددة والمعتدلة كذلك في حلقة بائع دهن العود...لكن
في هذه السنة أنا مادري ليه ماحطوا الفئة المعتدلة في ارهاب اكاديمي وخاصة ان كان فيها بصراحة استهزاء قوي يستفز يعني اتوقع حتى الارهابي لو شاف مثل هذه الحلقات راح تستفزه وخاصة موضوع الجارية وغيرها.

أتوقع إن ناصر وعبدالله فيهم غضب على المطاوعة والمشايخ لأنهم أرسلوا خطابات تريد منع المسلسل من التلفزيون السعودي...

أتمنى من الهيئة معالجة أخطائها ومن ناصر أن يطرحون طرح معتدل لأن لو سألناهم هل أنتم تريدون السعودية خالية من أي مطوع ...؟ راح يقولون أكيد لا.

فهالموضوع يسبب أحراج للمطاوعة وفي من أقرابنا وحبايبنا يتأثرون يحسون بغربة ومن هنا تبدأ المشكلة...

أنا عارف اني طولت عليكم لكن شيء بالخاطر وحبيته يطلع...

يعطيك العافيه اخوي كاسر الليالي على الموضوع القيم والهادف في نفس الوقت وبصراحه كفية ووفية بعطيك العافيه .
بس فيه نقطه ودي اتكلم فيها وهي ان طاش ما طااش وبصراحه ما استفدنا منها اي شي ولا من حلاقاتها الي تعرض لنا 14 سنه وهو ينتقدون ولا شفنى اي اصلاح اذا دل فيدل على انقد الفاشل وانا من المتابهين لطاش ما طاش بس السنه هذي اخواننا ناصر وعبدالله خربوها مره باستهزائهم بدين والملتزمين بصراحه شي يقهر واتمناء من اعلامنا توقيف مثل هذي التفاهات والحزازيات لانها ما تجيب الا المشاكل بين الناس
وشي الثاني ياليت يكون فيه لو تفكير بصيط انه لولا الله ثم الهيئه كان شفنى الفضائح في الشوارع العامه .
على العموم اسف على الاطاله
ويعطيك العافيه

مشكوور أخوي كاسر على طرحك هالموضوع المثيير للجدل و المفيد ....

بصرااحه انا بقوول رايي في طاش ما طاش ..

طاش مسلسل روعه .. لكن لو ما يتعدوون حدودهم صارو فله ..

وكلش عاااااااااااااد الا الدين ..

والا عطوني مسلسل الحين ما صار يحزن ومن بدايت الحلقات قتل وذبح ..

من اول ما افتح التلفزيون الين ما اسكره وهو مصايب <<< معصبه الاخت


والله تصدقوون عاد اذا مليت مره ولا لقيت شي اشووفه ..


حطيت الحرم على القناة السعوديه وعليت الصوت ورحت غرفتي

صوت قران ولا شي ثاني <<<<< لا تطلعيين من الموضووع


من جد صارت مسلسلات اليوم شي عجيب ..

يتنافسون في المكياج في الشعر في القصات في كل شي

وكل وحده طلعت قوتها على الثانيه ..

وياليت اصلا في احداث ولا شي .. لا بس ثقل دم وعرض ازياااء ..

واذا تكلفو جابو قضايا المجتمع .. بزعمهم بيحلونها وفي النهايه ما يحلونها
يعني احنا فعلا صرنا ..

(مستهلكيــــن .. ومدري متى نصير احنا مهلكيـــــــــــن )

نهلكهم بدينا ..

انا مو ضد المسلسلات .. لا بلعكس

انا معها بس بحدود ..

وبصراحه حلقات طااش السنه هذي ما تنفع .. والمصيبه انهم يعطوون فكره سيئه عن دييناا واكثر العالم العربي يشاهد ه ...


ما خلوو شي ما سوووووهـ << الله يكفينا الشر ..

اعذرني على الإطالة
تحيااااتي

أختى ما قلنا شي في كلامك قبل كان طاش ما طاش رهيب لكن ألحين طلع اخياس كم قبيلة و سبوها وكم جهه معينه اهانوها

وشوفو الصورة و قولوا لي رايكم

انظروا الى صورة هذا السافل