بسم الله الرحمن الرحيم
رسالة الى اعز صديق
صديق = اخ او صديق او صديقة او حبيبة او اخت او زوجه او زوج او اي حاجة اللي يخطر في بالك
المهم انها رسالة وبس
ايه نسيت اقولكم وش موضوعها (حلوة نسيت انا كتبت شيء علشان اقووووول نسيت ) ايه القصة وما فيها فيه لي صديق احبه ويحبني طبعا حب بدون تبويس بس عنده مشكلة بسيطة لا والله الا كبيرة مادري وش اقوووووول ياربي اعلم والا لا الا بعلم مشكلته انه ما يصلي وكل مرة اقوووول له صلى يقول " تراك ازعجتنا بالصلاة ياربي منك والله لو انك الهيئة هذا وانت مو مطوع الله لو كنت مطوع كان راح تبهذل العالم بالصلاة ) والله عجزت معه رحت اقراء في الكتب عن الصلاة واقوله فضائلها وسئلت امام المسجد وسمعت اشرطة عن الصلاة بس ياربي تعرفون عجزت بمعنى عجزت واخيرا قلت يا ولد ما بدهاش انت عليك عقل يوزن بلد (كثر منها يوزن بلد ) شغل ها المخ ان شاء الله تطلع منه فكرة بس المخ طلع فاضي الظاهر لو يفتحون راسي بيحصلون حفرة بدل المخ بس ربك كريم من عجز المخ ما عجزت مشاعري وسطرت ها الكلمتين وابي منكم الحكم عليها ان كانت تنفع ارسلوا لي انها تنفع وان كانت ما تنفع وهو اللي انا اتوقعه ابي منكم المساعدة

طبعا علشان الكلمتين بدون ترتيب تعرفون ليه لان اللي كتبها كتبها بدون مخ

صديقي ودي اسال سؤال ( طبعا انا مو مدرس ) ليش ما تصلي ؟ ليش = لماذا بس صديق دلخ لو اكتب له لماذا قعد ساعة يتهجاها
منو اللي يمنعك من الصلاة وش الصعوبة في الصلاة ؟ ليه الناس الباقين يصلون وانت ما تصلي مثلا انا مثلك وانت عارف وش عمايلي السوداء (شكلي بفضح نفسي) والا صديقنا فهد اللي سجارته ما تطيح من فمه ومع ذلك نصلي.
تعرف شو اللي يمنعك من الصلاة اكيد بتقول انا ما يمنعني احد اذا بغيت اصلي صليت لا بقول لك شو يمنعك من الصلاة بس اسمع انت صح تصوم معنا رمضان ولو اعطيتك فلوس ما راح تفطر يوم واحد ولا فيه امل طيب ليه انت ما تفرط في الصيام مثل ما انت مفرط في الصلاة اكييييييد قاعد تفكر بس علشان انا اعرفك زين غبي مررررررة ماراح تعرف الاجابة بس انا اقول لك
الشيطان له في ها الحياة هدف كبير هو ان الواحد يكفر واذا كفر خلاص ضمن انك من حزبه وضمن لك مقعد في النار وتصوم والا ما تصوم وتحج والا ما تحج وتسوي من الخير والا ماتسوي كله واحد لانك ماتصلي لذا ما يزعجك ولا يكسلك عن الصيام مثل ما يكسلك عن الصلاة انت كافر ولن يقبل الله منك اي عمل لا تقول وش الدليل ترى موجود في السنة الحديث " العهد الذي بيننا وبينهم الصلاة فمن تركها فقد كفر" وفي القران يقول جل وعلا " فإن تابوا واقاموا الصلاة وءاتوا الزكاة فإخوانكم في الدين " طيب وان لم يقيموا الصلاة يطلعون اخوان من؟ ( صديقي غبي لازم اوضح له واقول اخوان اليهود والنصارى والكفار) ارجو تكون فهمت حكم تارك الصلاة في السنة والقران وفيه شيء ثاني مهم جدا والله وانت دايم تشكي لي منه اكييييد عرفت وشو القلق والهم اللي بعض الاحيان تقول شوي ويجنني تعرف ليه صل وانت تشوف كيف يروح منك القلق والارق والهم وبعدين تعال شوف شو في الصلاة من فوائد عجيبة تكفير ذنوب ورفع درجات ومغفرة وراحة طمئانينة ياحبيبي لو ما فيها الا ان الواحد اللي يصلي الفجر مع الجماعة في ذمة الله حتى يمسي ومن صلي العشاء في جماعة فهو في ذمة حتى يصبح تتوقع واحد يموت وهو مصلي الفجر والا العشاء في جماعة يخزيه الله وهو في ذمته وبعدين كم تكلفنا الصلاة من تعب وكم تاخذ من اوقاتنا لو حسبتها كلها مجتمعه ما تطلع نصف ساعة وحنا نقوم ونروح للدوام ونقعد فيه ست ساعات او اكثر كلها علشان ها الراتب طيب والجنة ما نقعد علشانها نصف ساعة والله الشيطان ضاحك علينا حبيبي تكفى جرب انك تصلي وتحافظ على الصلاة ترى الشيطان راح يحاول انه يمنعك بشتى الوسائل مرة يقول توك صغير واذا كبرت وتزوجت صل ومرة بيقول وش يقول عنك خوياك اللي ما يصلون راح يسخرون منك ومرة راح يقول من اللي بيتحمل صلاة الفجر ومرة ومرة ومن الاعذار اللي تكسل الواحد عن الصلاة
حبيبي تعرف اني اعزك واحبك بس انت تحطني في موقف صعب مررررة المرء يحشر مع من احب وانا ما ودي احشر معك وانت بها الحال تبي تحشرنا الى جهنم حبيبي اسمع كلامي وجرب وبعدين احكم والله ان تدعي لي وسلامتك

ابو عيد عضو جديد

مع ابو عيد اياكم في المنتدى كلها عيد

ابي رايكم في نصيحتي تنفع والا لا

لماذا لاتصلي ؟؟ (محمد حسين يعقوب
نبذة عن المحاضرة : يا تارك الصلاة .. أقبل .. تعال .. اسمع مني .. ألا تحب الله ؟ .. أجبني بالله عليك ؟ .. لماذا لا تصلي ؟ .. استمع لهذا الشريط ... !

لاستماع المحاضرة او حفظها.....

اضغط هــــــــــــــــــنا

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

يعطيك العافيه يابو عيد
على هالنصيحه .... وجزاك الله خير

عديم الحظ .. جزاك الله خير

ما قصرت أخوي أبو عيد والنصيحه لكل اللي ما يصلون مو بس خويك اللي تحبه (بدون تبويس )

الله يسلمكم ويجزيكم بالخير
وهذي بداية ابو عيد معكم

وان شاء الله ما تملون مني

وحياك الله يابو عييد انت ونصائحك الفتاكه

مشكوووووور اخوي ابوعيد

ونبغى نصايح مثل نصيحتك اللي فوق ولا تعتبر نصيحتك ماوصلت بالعكس نصيحه قويه ولها اثر في نفوسنا جميعا


اخوك / الفندق